Comarca do Deza .- Situada o norte da provincia de Pontevedra, coincidindo co centro xeográfico de Galicia. Limita ó norte coas comarcas de Arzúa e Terras de Melide (provincia de A Coruña); ó Sur, coa comarca de O Irixo (provincia de Ourense); ó este, con Chantada (provincia de Lugo) e ó oeste, con Tabeirós-Terra de Montes (provincia de Pontevedra).
Os límites naturais da comarca do Deza están perfectamente definidos: ó Norte, está separado da provincia de A Coruña polo río Ulla; ó Este, limita con Lugo coa serra do monte Farelo e do Faro; ó Sur, coa serra que vai dende os montes de Testeiro ata Pena de Francia e ó Oeste, coa comarca de Tabeirós-Terra de Montes, o monte San Sebastián e a serra do Candán.
Esta comarca está bañada polos ríos Deza e Arnego. O río Deza, e o seu afluente Asneiro, nacen no monte Testeiro. O río Arnego nace na Serra do Faro, no límite con Chantada.
